Eleonora Rami, nxënësja e talentuar në pikturë dhe e pasionuar pas historisë

“Të gjithë nxënësit janë të veçantë e plotë vlera. T’i ndihmojmë t’i zbulojnë, t’i pasurojnë e t’i përfitojnë së bashku”- kjo është motoja e shkollës 9-vjeçare “Bardhyl Popa”, në Elbasan. 

Një shembull i kësaj motoje është edhe nxënësja në klasën e 6-të, Eleonora Rami, së cilës i pëlqen shumë të pikturoj, të vizatojë dhe të aktrojë. Të gjitha pasione këto që i praktikon gjatë kohës së lirë. Por ajo gjen kohë edhe të merret me sport, duke ndjekur një kurs volejbolli. 

Ashtu si gjithë fëmijët e tjerë, të cilët e kanë më përzemër një lëndë në shkollë, edhe Eleonorës i pëlqen shumë historia, më shumë se të gjithë librat e tjerë shkollorë. Ndërsa për librat jashtëshkollorë zgjedhjet e saj janë të larmishme, i përkasin disa zhanreve. 

Më poshtë po ju paraqesim disa prej vizatimeve të Eleonora Rami, të cilat për të thënë të vërtetën ne na u dukën si të ndonjë dizenjueseje mode!

I urojmë suksese! 

Kaltra Tafani 

©Portali Shkollor- Të gjitha të drejtat e rezervuara. Ndalohet kopjimi pa lejen tonë.