ENNIO MORRICONE

Legjenda e muzikës, Ennio Morricone, ndërron jetë në moshën 91 vjeçare

Ennio Morricone, kreatori i muzikës moderne të kinemasë, largohet nga jeta në moshën 91 vjeçare. Profili i një talenti të jashtëzakonshëm, i cili realizoi kolona muzikore, ndër më të suksesshmet.

Ennio Morricone, kreatori i muzikës moderne të kinemasë, largohet në moshën 91 vjeçare. Vdekja e Morricones u konfirmua nga avokati i tij, Giorgio Assumma, i cili tha se ai kishte pësuar një frakturë në femurin e tij. 


Për shumë kineastë, si Bernardo Bertoluçi, Pier Paolo Pasolini, Terrence Malick, Roland Joffé, Brian De Palma, Barry Levinson, Mike Nichols, John Carpenter, Quentin Tarantino, Maestro Morricone, kishte një talent unik, i cili krijoi shoqërime melodike për shumë filma, si komedi, thrillers, drama historike, etj. 


Morricone shënoi shumë filma të njohur të 40 viteve të fundit: "La Cage aux Folles" të Édouard Molinaro (1978), "The Thing" i Z. Carpenter's, "The Thing" (1982), "The Untouchables" të Z. De Palma, "The Untouchables" (1987), Roman Polanski "Frantic" (1988), "Kinema Paradiso" e Giuseppe Tornatore (1988), "Në linjën e zjarrit" të Wolfgang Petersen, dhe "The Eightful hate” të Tarantinos (2015).


Në vitin 2016, Morricone fitoi çminin Golden Globe, për "The Hateful Eight", një film thriller. Një karrierë e jashtëzakonshme me çmim Oscar, dy Golden Globes, katër Grammys dhe dhjetëra çmime të tjera ndërkombëtare.


Ai kompozoi për filma televizivë dhe seriale si "The Sopranos". Shkroi rreth 100 pjesë koncertesh dhe muzikë të orkestruar për këngëtarë, duke përfshirë Joan Baez, Paul Anka, Anna Maria Quaini, Mina.


Morricone nuk e mësoi kurrë anglishten. Kompozimet e tij i realizoi në Romë. Drejtoi orkestra në mbarë botën. Ndërsa shkruante gjerësisht për Hollivudin, ai nuk vizitoi Shtetet e Bashkuara deri në vitin 2007, kur, në moshën 78 vjeçare, realizoi një turne njëmujor. Dha koncerte në New York në Radio City Music Hall. Përfundoi turneun në Los Angeles, ku mori një çmim nderi për arritjet e jetës.

Ennio Morricone lindi në Romë në 10 nëntor 1928. Ai është një nga pesë fëmijët e Mario Morricones. Babai e orientoi drejt muzikës dhe e mësoi të luante instrumente të ndryshme. Ennio shkroi kompozimet e tij të para që në moshën gjashtë vjeçare. Në vitin 1940, ai ndoqi National Academy of Santa Cecilia, ku studioi trompën. 


Përvojat e Luftës së Dytë Botërore, uria dhe rreziqet që po i kanoseshin Romës si një "qytet i hapur" ndaj ushtritë gjermane dhe amerikane , u pasqyruan në disa nga veprat e tij të mëvonshme. Pas luftës, ai shkroi muzikë për radio, për televizionin RAI dhe për këngëtarë të ndryshëm. Në vitin 1956, ai u martua me Maria Travia. Ata kanë katër fëmijë: Marco, Alessandra, Andrea dhe Giovanni.


Në një intervistë ai shprehet, “Fakti që unë jam një kompozitor që shkruan shumë, nga njëra anë është e vërtetë, por në një tjetër këndvështrim nuk është aspak e vërtetë. Mbase unë e organizoj siç duhet kohën time. Por, krahasuar me kompozitorë si Bach, Frescobaldi, Palestrina or Mozart, do e përcaktoja veten si të papunësuar (qesh)”. 



Përgatiti: Parajsa Shtini

Burimi: The New York Times


© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

606 Lexime
1 vit më parë