Hapet aplikimi “Mësues për Shqipërinë” 2025: Afatet nga 2 deri më 23 qershor, testimi përfundon më 25 gusht

Ministria e Arsimit dhe Sportit, nëpërmjet Agjencisë Kombëtare të Arsimit Parauniversitar (AKAP), ka shpallur zyrtarisht hapjen e procedurave të konkurrimit për programin “Mësues për Shqipërinë” 2025. Aplikimi bëhet në platformën e-Albania, përmes shërbimit “Aplikim për konkurrim për punësim si mësues”, dhe do të zhvillohet në dy faza kohore të ndryshme, në varësi të statusit të kandidatit.

Afatet e aplikimit:

• Nga 2 qershori deri më 16 qershor 2025, ora 24:00: për të gjithë kandidatët që kanë përfunduar më parë provimin e licencës.
• Nga 13 deri më 23 qershor 2025: për ata që kanë dhënë provimin e licencës në maj 2025 ose janë në proces licencimi.

Si të aplikoni:

• Kandidati aplikon pranë Drejtorisë Rajonale të Arsimit Parauniversitar (DRAP) të vendbanimit të përhershëm.
• Ka të drejtë të përzgjedhë deri në 3 Zyra Vendore të Arsimit Parauniversitar (ZVAP) ku dëshiron të punësohet.
• Në rast se kandidati zotëron më shumë se një licencë, mund të aplikojë për secilën veçmas, sipas profilit.
• Mund të shënojë në aplikim edhe dëshirën për të punuar si mësues në dispozicion ose në arsim special.
• Kandidatët që kanë kaluar testimin më parë, mund të zgjedhin të ruajnë pikët ose të ritestohen.

Dokumentacioni i nevojshëm për aplikim

Të gjithë aplikantët duhet të ngarkojnë në sistem këto dokumente (në format dixhital):

• Diplomë/diploma dhe lista e notave (e detyrueshme).
• Librezë pune (nëse ka dhe kërkon të vlerësohet me pikë).
• Dëshmi të kualifikimeve të mëparshme (nëse ka).
• Certifikata të trajnimeve me kredite (nëse ka).
• Dëshmi për njohjen e gjuhëve të huaja (nëse ka).

Kujdes: Dosjet që nuk përmbajnë dokumentet e detyrueshme përjashtohen automatikisht nga konkurrimi.

Faza e vlerësimit:

• 08 – 27 qershor 2025: Vlerësimi i dosjeve nga KVD.
• 01 – 03 korrik 2025: Afati i ankimimit për vlerësimet.
• Deri më 10 korrik 2025: Shqyrtimi i ankesave dhe përcaktimi i kandidatëve që kalojnë në fazën e testimit.
• 
  

Testimi i informatizuar:

• Zhvillohet deri më 25 gusht 2025, sipas kalendarit që do të publikohet në faqet zyrtare të AKAP, DRAP dhe QSHA.
• Rezultatet shpallen deri më 31 gusht 2025.
• Afat ankimimi: 3 ditë pune pas marrjes së rezultatit.

Lista përfundimtare:

Lista përfundimtare me renditjen e kandidatëve do të publikohet brenda datës 2 shtator 2025.

Linku për të aksesuar  shërbimin duke filluar nga data 2 qershor: Aplikim për konkurrim për punësim në portalin “Mësues për Shqipërinë”: https://ealbania.al/eAlbaniaServices/UseService.aspx?service_code=16306 

Për çdo paqartësi, kandidatët mund të kontaktojnë Agjencinë Kombëtare të Arsimit Parauniversitar në adresën zyrtare: [email protected].

Njoftimi zyrtar

©Portali Shkollor- Të gjitha të drejtat e rezervuara. Ndalohet kopjimi pa lejen tonë.