Romani “Rini pa rini”, botim i ri nga Albas

Ngjarjet zhvillohen në Bukuresht, në vitin 1938. Dominik Matei, një akademik që e ka kaluar pjesën më të madhe të jetës duke u përpjekur të përfundojë një vepër të madhe mbi origjinën dhe strukturën e gjuhës njerëzore, shtrohet në spital pasi goditet nga rrufeja. Çuditërisht ai mbijeton dhe, në mënyrë të pashpjegueshme, fillon të shndërrohet në një djalë të ri. 

Është një shndërrim kataklizmik që i jep mundësinë të jetojë një jetë të re me kapacitet intelektual befasues. Matei duhet të ndryshojë identitetin e tij, për të mos iu nënshtruar eksperimenteve mjekësore mbi fuqinë e mundshme që zgjat jetën njerëzore me anë të goditjeve elektrike. Për këtë i duhet të nisë një odise shumëdekadëshe në disa shtete, në kërkim të përgjigjeve për pyetjen thelbësore të jetës: 

“Çfarë të bëjmë me kohën?... 

“Rini pa rini” është një kryqëzim i së natyrshmes dhe mbinatyrshmes, mitit dhe historisë, ëndrrës dhe shkencës.  U realizua film me të njëjtin titull në vitin 2007, nga F. F. Coppola, si një bashkëprodhim midis SHBA-së, Rumanisë, Francës, Italisë dhe Gjermanisë.

©Portali Shkollor- Të gjitha të drejtat e rezervuara. Ndalohet kopjimi pa lejen tonë.