100-vjetori i lindjes së Musine Kokalarit

Shkolla 9-vjeçare “Musine Kokalari” ka nisur përgatitjet për një sërë aktivitetesh që do të zhvillohen gjatë javës së parë të muajit shkurt në kuadër të 100-vjetorit të lindjes së Musine Kokalarit.

Në bazë të një programi të posaçëm nxënësit e shkollës po përgatiten nën udhëheqjen e mësuesve të shkollës. Takime me studiues dhe të afërm, ekspozita pikture nga nxënësit, montazhe me krijimtarinë e Musinesë, ligjërata nga mësuesit e departamentit të historisë, dramatizime e kuplete muzikore do të organizohen në “Javën e Musinesë”.

Nxënësit përkujtojnë 100-vjetorin e lindjes së shkrimtares së parë shqiptare dhe gruas që gjithë jetës luftoi për demokratizimin dhe emancipimin e shoqërisë.