Afatet e aplikimit, portali "Mësues për Shqipërinë 2017"

Drejtoritë Arsimore kanë publikuar afatet për dorëzimin dokumenteve të të gjithë kandidatëve që do të marrin pjesë në testimin “Mësues për Shqipërinë”. Sipas njoftimit të Ministrisë së Arsimit dhe Sportit që mban datën 24.11.2017 të gjitha Drejtoritë Arsimore në vend në zbatim të urdhëzimit numër 38 datë 06.10.2015 MAS njofton:

Afati përfundimtar i pranimit të dosjeve të kandidatëve për mësues, është data 22.12.2017.

Dosja e aplikantit duhet të përmbajë:

CV sipas modelit të përcaktuar në shtojcën 1 të Udhëzimit të Ministrisë së Arsimit dhe të Sportit nr. 38, datë 06.10.2015 “Për procedurat e lëvizjes paralele, emërimit dhe largimit nga puna të mësuesit në institucionet arsimore parauniversitar të sistemit arsimor parauniversitar”.

Raport mjeko-ligjor ( i 3 muajve të fundit dhe i detyrueshëm).

Deklaratë për gjendjen gjyqësore sipas shtojcës 5 të Udhëzimit të Ministrisë së Arsimit dhe të Sportit nr. 38, datë 06.10.2015 “Për procedurat e lëvizjes paralele, emërimit dhe largimit nga puna të mësuesit në institucionet Arsimore parauniversitare të sistemit arsimor parauniversitar”.

Vërtetim i qendrës së banimit (i detyrueshëm).

Fotokopje e Librezës së punës.

Fotokopje diploma dhe vërtetimi i Listës së notave të studimeve të larta (cikli I+II dhe DIND), të noterizuar (e detyrueshme).

Fotokopje e certifikatave të trajnimeve (certifikata të akredituara nga MAS dhe ato jashtë vendit)

Fotokopje e dëshmive të shkallëve të kualifikimit.

Fotokopje të noterizuar të dëshmive të kualifikimeve shkencore.

Fotokopje të dëshmisë/ve të gjuhëve të huaja (e noterizuar).

Botime, kumtesa, publikime në fushë të edukimit.

Deklaratë e kandidatit për autorizimin e njësisë Arsimore vendore që të shqyrtojë vërtetësinë e dokumenteve të paraqitura sipas shtojcës 2 të Udhëzimit të Ministrisë së Arsimit dhe të Sportit nr. 38, datë 06.10.2015 “Për procedurat e lëvizjes paralele, emërimit dhe largimit nga puna të mësuesit në institucionet Arsimore parauniversitar të sistemit arsimor parauniversitar.

Kandidati, dosja e të cilit nuk përmban dokumentet e detyrueshëm të mësipërm dhe dorëzohet jashtë afatit, s'kualifikohet nga të gjitha fazat e konkurimit.

Afatet e aplikimit online në portalin “Mësues për Shqipërinë” dhe data e testimit të kandidatëve për ushtrimin e profesionit të mësuesit, do të publikohen në faqen zyrtare te Ministrisë se Arsimit Sporteve dhe Rinisë.

Njoftimi i Drejtorisë Arsimore të Qytetit Tiranë

Shikoni njoftimet e publikuara në faqet zyrtare të Drejtorive Arsimore.

DAR Dibër

http://dardiber.edu.al

DAR Durrës

http://dardurres.edu.al

DAR Elbasan

http://darelbasan.edu.al

DAR Fier

http://darfier.edu.al

DAR Gjirokastër

http://dargjirokaster.arsimi.gov.al