Klasat e XI-ta të gjimnazit "Havzi Nela" realizojnë panairin më të veçantë me detyrat e biologjisë

Më poshtë do të njiheni me panairin më të veçantë i cili është realizuar nga nxënësit e klasave të 11-ta të gjimnazit "Havzi Nela" në Kukës.

Në këtë aktivitet, të realizuar brenda klasave, ata kanë pasqyruar disa nga punët e tyre të portofolit në lëndën e biologjisë.

Për më tepër ju mund të njiheni me planin e realizimit të tij më në detaje si dhe me projektin konkret të të dyja këtyre klasave me temë “Sistemi i frymëkëmbimit”, të cilët i gjeni bashkangjitur në formatin PDF. Ky aktivitet u organizua në bashkëpunimin me Drejtuesit e Shëndetit, Drejtuesit e Rrjetit, Departamentin lëndor.

Plan aktiviteti

Fusha: Shkenca e Natyrës

Lënda: Biologji

Shkalla: E pestë (V)

Klasat: XIA1 + B1 + C1

Titulli i aktivitetit: Panair i punimeve të nxënësve realizuar përmes detyrave të portofolit

Kompetencat kyçe:

Modelon ndërtimin dhe zgjidhjen e një problemi të dhënë për një temë të caktuar nga një fushë mësimore.
Përdor mjete digjitale për të përpunuar, krijuar, realizuar dhe demonstruar tema mësimore.
Bënë zgjidhje të bazuara në informacione dhe në përvoja të drejta për të mbrojtur shëndetin dhe mirëqenien nga rreziqet e ndryshme në jetën e përditshme.

Rezultatet e të nxënit sipas kompetencave të fushës sipas temës:

N2 → Mbledh mjete të ndryshme ose të riciklueshme për punimet e maketeve, vizatimeve.

N3 → Përdorë këto mjete për të ndërtuar pjesë ose sisteme të trupit të njeriut.

N4 → Modelon ndërtimin e sistemeve të trupit të njeriut.

Burimet dhe mjetet:

Videoprojektorë, mjete te riciklueshme, kartona, panela.

Metoda: Ekspozitë ( Konkurs mes klasash ).

Zhvillimi i aktivitetit

Hapi i parë: Prezantimi i punës përmes videoprojektorit

Hapi i dytë: Secila klase prezanton punimet

Hapi i tretë: Vlerësimi

Vlerësimi në grup