Aktualitet

Kthimi i shkollave të arsimit special në qendra burimore/ Ministrja Kushi takon drejtuesit e këtyre shkollave

Qëllimi i qendrave burimore është të mbështesë arsimimin duke përmirësuar në vijimësi rezultatet e nxënësve, si dhe t'i përgatisë ata për gjithëpërfshirjen dhe aftësimin për jetën, duke zhvilluar aftësitë e duhura në të gjitha fushat e përditshmërisë së tyre.

Në kuadër të punës përgatitore për kthimin e shkollave të arsimit special në qendra burimore, Ministrja e Arsimit dhe Sportit Evis Kushi zhvilloi një takim me drejtuesit e këtyre shkollave nga qytete të ndryshme të vendit.


Qëllimi i qendrave burimore është të mbështesë arsimimin duke përmirësuar në vijimësi rezultatet e nxënësve, si dhe t'i përgatisë ata për gjithëpërfshirjen dhe aftësimin për jetën, duke zhvilluar aftësitë e duhura në të gjitha fushat e përditshmërisë së tyre.


Në një postim në rrjete sociale ministrja thekson se gjithëpërfshirja në shkolla të zakonshme vijon të mbetet përparësi e politikave arsimore. 

“Raporti i nxënësve me aftësi ndryshe që ndjekin arsimin gjithëpërfshirës ndaj arsimit special është përmirësuar nga 75% që ishte në vitin 2014 në rreth 90% në vitin 2022” – shkruan ministrja, që nënkupton se vetëm 10% e nxënësve me aftësi ndryshe të regjistruar, ndjekin shkollat speciale apo institutet kombëtare për nxënësit që nuk shikojnë dhe nuk dëgjojnë.


Kushi gjatë takimit i ka falënderuar drejtuesit e shkollave speciale për kujdesin dhe përkushtimin që tregojnë çdo ditë për nxënësit me aftësi ndryshe. 

Bashkë me ta ministrja ka përcaktuar drejtimet kryesore dhe hapat që do të ndiqen në procesin e kthimit të shkollave speciale në qendra burimore.




Kaltra Tafani 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.

221 Lexime
1 javë më parë