Arsimi Kosovë

Ministrja e MASHTI-t, Nagavci: Po punojmë shumë për reformimin e sistemit të arsimit

Ministrja e MASHTI-t, Arbërie Nagavci ka njoftuar se ka diplomuar gjeneratën e radhës për “Asistent për fëmijë/nxënës me nevoja të veçanta arsimore”. Ajo thotë se kjo ministri në Kosovë, ka mbështetur zhvillimin e këtij kualifikimi për asistent në mënyrë që të gjithë nxënësit të kenë trajtim të barabartë.

Ministrja Arbërie Nagavci ka njoftuar se ka diplomuar gjenerata për “Asistent për fëmijë/nxënës me nevoja të veçanta arsimore”. Ajo thotë se si Ministri, kanë mbështetur zhvillimin e këtij kualifikimi për asistent në mënyrë që të gjithë nxënësit të kenë trajtim të barabartë.


“Po punojmë shumë në zhvillimin e politikave për reformimin e sistemit të arsimit dhe aftësimit profesional”, ka shkruar ministrja në Facebook.



Postimi i saj:


Edhe një gjeneratë e diplomuar për “Asistent për fëmijë/nxënës me nevoja të veçanta arsimore”

Kënaqësi të ndajmë diplomat edhe për 46 studentë të kualifikimit të nivelit të V-të për “Asistent për fëmijë/nxënës me nevoja të veçanta arsimore”.

Krahas ndarjes së buxhetit për punësimin e asistentëve, po përgatisim edhe kuadrot.

Si Ministri, e kemi mbështetur zhvillimin e këtij kualifikimi për asistent në mënyrë që të gjithë nxënësit të kenë trajtim të barabartë.

Ky kualifikim është duke u ofruar në 7 institucione me 180 studentë të regjistruar, në Prishtinë, Prizren, Mitrovicë dhe në Ferizaj.

Jemi të përkushtuar në përmirësimin e shërbimeve për nxënësit me nevoja të veçanta.

Po ashtu, po punojmë shumë në zhvillimin e politikave për reformimin e sistemit të arsimit dhe aftësimit profesional.

© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

767 Lexime
1 vit më parë