Ministrja Kushi për pagat: Mësuesit meritojnë më shumë, por angazhimi ynë mbetet minimalisht 40% brenda mandatit

Ministrja Evis Kushi është shprehur sot se në mandatin e kaluar pagat e mësuesve u rritën 32%, në mandatin e ri angazhimi është për minimalisht 40%. Ajo shtoi se këtë vit u rritën 6% dhe vitin e ardhshëm 7%.

Deklaratat Kushi i ka dhënë nga Komisioni për Edukimin dhe Mjetet e Informimit Publik, gjatë seancës  dëgjimore që ajo ka zhvilluar për fillimin e vitit të ri shkollor në sistemin e arsimit parauniversitar 2022-2023.

“Unë jam e bindur se mësuesit meritojnë shumë më tepër se sa keq. Mandatin e kaluar i rritëm pagat me 32% pavarësisht vështirësive të tërmetit, dhe në mandatin e ri që kemi nisur ne jemi angazhuar për 40%. Vitin e kaluar i rritëm 6% dhe vitin e ardhshëm do t’i rrisim 7%. Deri në fund të mandatit rritja do të jetë minimumi 40%. Nëse situata do të jetë më e mirë, nëse kushtet do të ndryshojnë, natyrisht që ne do ta rrisim edhe me shumë por angazhimi ynë është e sigurt që do të realizohet me patjetër”, deklaroi ministrja Evis Kushi. 

Nanila Allkja Biçaku 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.