Ministrja Shahini uron maturantët për provimet e maturës dhe i shpreh mirënjohjen mësuesve e prindërve

Ministrja e Arsimit, Sportit dhe Rinisë, Besa Shahini, nëpërmjet një postimi në rrjete sociale ka uruar të gjithë maturantët, të cilët po po japin sot provimin e parë të Maturës Shtetërore. 

Fillimisht, ajo shpreh mirënjohjen për çdo nxënës, prind e mësues përballimin me sukses në mbylljen e këtij viti shkollor:

"Arritëm ta mbyllim këtë vit të vështirë shkollor, falë qëndrueshmërisë së nxënësve, durimit të prindërve dhe përkushtimit të jashtëzakonshëm të mësuesve tanë që brenda një kohë të shkurtër e përballën me sukses realitetin e krijuar nga tërmeti shkatërrues dhe pandemia vdekjeprurëse. Mirënjohje të veçantë për secilin prej jush!", shprehet ajo ndërsa uron maturantët për provimet: "Tashmë jemi në atë ‘fazën finale të maratonës’ për maturantët tanë, të cilët ditën kanë provimin e parë të Maturës Shtetërore. Suksese të përzemërta secilit prej tyre në çdo provim dhe i dëshiroj gjithë të mirat në rrugëtimin e tyre jetësor".

Mbi 31 mijë maturantë çelin nesër sezonin e provimeve të Maturës Shtetërore. Nesër nis me lëndën e Gjuhës së Huaj, për të vazhduar më datë 11 qershor me Gjuhën Shqipe, me Matematikën më 15 qershor dhe 18 qershor, provimi i lëndës me zgjedhje.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.