![](http://www.portalishkollor.al/upload/media/entries/2023-08/21/6963-0-0ffd0f797a9b3156b0c04a4f1cb6fe93.jpg)
Regjistrimi në klasë të parë dhe të dhjetë, ja datat për ata që nuk aplikuan gjatë fazës së parë
Nga data 21 gusht deri më 1 shtator rihapet mundësia e regjistrimit të fëmijëve për në klasat e para dhe te dhjeta përmes sistemit e-Albania.Mundësia vlen edhe për fëmijët që nuk kanë mbushur moshën 6 vjeç, por që sipas prindërve e kanë tashmë zhvillimin dhe përgatitjen e duhur për t’u futur në klasën e parë.
Ministrja e Arsimit dhe Sportit, Evis Kushi përmes një postimi në rrjete sociale bëri të ditur datat e regjistrimit në klasa të para dhe të dhjeta, për të gjithë ata që nuk kanë arritur ta bëjnë gjatë fazës së parë përmes sistemit e-Albania.
"Të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania nga data 21 gusht deri më 1 shtator."
Postimi i plotë i ministres Kushi
Me ndryshimet që miratuam në Ligjin për Arsimin Parauniversitar, edhe vogëlushët që mbushin 6 vjeç deri në datën 31 dhjetor do të kenë mundësi të regjistrohen në klasë të parë për vitin e ri shkollor 2023 - 2024. Të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania nga data 21 gusht deri më 1 shtator. Ky afat vlen edhe për të gjithë ata prindër që nuk kanë arritur dot të bëjnë gjatë fazës së parë regjistrimet për fëmijët e tyre në klasën e parë dhe të dhjetë.
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
"Analiza e pyetësorit të Portalit Shkollor Albas, për t’u lexuar dhe reflektuar nga institucionet përkatëse"
Rezultatet e të nxënit sipas kompetencave kyç
Provimi i Portalit 2023, listat emërore të kandidatëve për secilin profil