
Shpallet thirrja për aplikimet e punonjësve të shërbimit psiko-social/ Kushi: Këtë vit vijmë me një risi!
Ministrja e Arsimit dhe Sportit Evis Kushi nëpërmjet një postimi në rrjete sociale njoftoi hapjen e thirrjes për punonjës të shërbimit psiko-social, i cili këtë vit sjell edhe një risi për ata punonjës ekzistues që kërkojnë të bëjnë lëvizje paralele, brenda zyrës arsimore ku janë të punësuar.
Ministrja e Arsimit dhe Sportit Evis Kushi nëpërmjet një postimi në rrjete sociale njoftoi hapjen e thirrjes për punonjës të shërbimit psiko-social, i cili këtë vit sjell edhe një risi për ata punonjës ekzistues që kërkojnë të bëjnë lëvizje paralele, brenda zyrës arsimore ku janë të punësuar.
Postimi i plotë i ministres:
"Sapo kemi shpallur thirrjen për punonjës të shërbimit psiko-social në shkolla, me qëllim fuqizimin e këtij shërbimi dhe mbulimin më të plotë të nevojave në të gjithë territorin, përfshirë edhe zonat periferike dhe të largëta.
Kjo procedurë këtë vit sjell edhe një risi, si përgjigje e kërkesave të vazhdueshme të vetë punonjësve psiko-social. Të gjithë ata që dëshirojnë të kryejnë lëvizje paralele brenda zyrës arsimore ku kanë tashmë emërimin e përhershëm, mund të dorëzojnë kërkesën me postë në DRAP-in përkatës brenda datës 4 gusht 2023.
Ndërsa për kandidatët që kërkojnë të punësohen për herë të parë, aplikimet janë të hapura deri në datën 9 gusht 2023 dhe dorëzimi i dokumentacionit bëhet përsëri me postë në DRAP.
Shpalljet e vendeve vakante bëhen sipas zyrave arsimore, në varësi të përfundimit të procedurave të lëvizjes paralele. Detajet e mëtejshme janë publike në çdo DRAP, ku edhe mund të gjeni të gjithë informacionin e nevojshëm.
Mirënjohje të gjithë punonjësve të këtij shërbimi për punën dhe përkushtimin që tregojnë çdo ditë pranë nxënësve dhe mësuesve tanë dhe suksese të gjithë kandidatëve të rinj!".


© Portali Shkollor- Të gjitha të drejtat e rezervuara. Ndalohet kopjimi pa lejen tonë.
Etika nën presion/ Gazetarja Marieta Mërkuri: Si e deformon mesatarja arsimin dhe çfarë duhet ndryshuar?
Mesazhi i ekspertit të arsimit, Fiqiri Çifliku, për një vit shkollor të mbushur me dashuri dhe bashkëpunim
Korniza kurrikulare dhe planet mësimore ekzistuese do të jenë në fuqi edhe për vitin shkollor 2025-2026