Talentet e Shkollës Artistike "Onufri" koncert për fëmijët jetimë të Elbasanit
Ministrja Kushi jep mesazh solidariteti: "Nuk Festoj Pa Ty", gjatë një aktiviteti e koncerti të mbajtur nga Talentet e Shkollës Artistike "Onufri" për fëmijët jetimë të Elbasanit.
Ministrja e Arsimit dhe Sportit Evis Kushi si çdo vit, i ka nisur festat me momente plot emocione me fëmijët jetimë të Elbasanit, duke nxitur edhe kontributin e nxënësve për nxënësit, nën sloganin e veçantë "Nuk Festoj Pa Ty!".
Këtë herë kanë qenë nxënësit e talentuar të Shkollës së Mesme Artistike "Onufri" pjesë e festimeve, të cilët kanë dhënë një koncert për të pranishmit në festë.
"Çelëm kështu siparin e festave me këta fëmijë të mrekullueshëm, të cilët kanë nevojë për më shumë dashuri, mbështetje e përkujdesje, e jo vetëm për festa por gjatë gjithë vitit", - shprehet ministrja në rrjete sociale.
Duke publikuar edhe një video me momente të bukura nga kjo ceremoni, ministrja shprehet më tej:
"Thellësisht e emocionuar nga koncerti që kishin përgatitur nxënësit e talentuar të Shkollës së Mesme Artistike 'Onufri' në Elbasan për fëmijët jetimë të qytetit".
Kaltra Tafani
© Portali Shkollor- Të gjitha të drejtat e rezervuara. Ndalohet kopjimi pa lejen tonë.
Provimi i licencës për kandidatët për mësues 2023/ Kriteret ligjore, procedurat dhe afati i dorëzimit të dokumentacionit
Cili është roli i mësuesit?
Provimi i Portalit 2023, listat emërore të kandidatëve për secilin profil