Aktualitet

U arrestua për ngacmim seksual ndaj të miturës/ Ministria e Arsimit pezullon nga puna mësuesin nga Tepelena

Mësuesi i fizkulturës në Tepelenë Kleanth Laçi është pezulluar nga puna, pas ndalimit nga policia për ngacmim seksual ndaj një të miture. Këtë vendim e ka njoftuar ministrja e Arsimit Evis Kushi e cila ka theksuar se nëse vërtetohet fajësia, personat përgjegjës përjashtohen përgjithmonë nga sistemi arsimor.

Mësuesi i fizkulturës në Tepelenë Kleanth Laçi është pezulluar nga puna, pas ndalimit nga policia për ngacmim seksual ndaj një të miture. Këtë vendim e ka njoftuar ministrja e Arsimit Evis Kushi. Në një postim në Facebook, Kushi shkruan se nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.


Ajo thekson se nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.


“Kemi ndjekur nga afër ngjarjen e ditëve të fundit të ndodhur në Tepelenë, ku një mësues është dhunuar, pasi akuzohet nga familjarët për abuzim ndaj vajzës së tyre. Për mësuesin është marrë masa e ndalimit nga policia dhe Zyra Arsimore Tepelenë ka marrë sot vendimin për pezullimin e mësuesit nga puna deri në përfundimin e plotë të hetimeve. Nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë. Besojmë fort se organet e drejtësisë do ta zbardhin shumë shpejt të vërtetën e kësaj ngjarjeje dhe do të marrin vendimet e duhura ligjore. Siç e kemi bërë të ditur edhe më parë, qëndrimi ynë për këto raste është i prerë dhe nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor. Për këtë arsye, kemi përfshirë një nen të ri në Ligjin për Arsimin Parauniversitar, i cili do të miratohet së shpejti në Kuvendin e Shqipërisë. Ne nuk do të lejojmë të punojë në institucionet tona arsimore askënd që cenon shëndetin dhe mirëqenien e nxënësve tanë”, shkruan Kushi.



© Portali Shkollor- Të gjitha të drejtat e rezervuara. Ndalohet kopjimi pa lejen tonë.

775 Lexime
1 vit më parë