Matura Shtetërore 2022

Urimet dhe mesazhet e ministres Evis Kushi për maturantët

Ministrja e Arsimit Evis Kushi ka uruar maturantët për provimin e parë që zhvillohet sot, ai i gjuhës së huaj. Ajo përmendi disa risi në arsim, që pas pandemisë që janë mundësi të mira për t’u shfrytëzuar.

Sot maturantët do të testojnë veten në provimin e parë, atë të gjuhës së huaj. Ndaj ministrja e Arsimit, Evis Kushi ka një mesazh për të gjithë maturantët.


Kushi deklaroi se ky vit ka disa risi, ndërsa i ftoi maturantët që do të studiojnë jashtë vendit që të jenë më optimistë. Për ministren maturantët duhet të jenë të orientuar për të zgjedhur programet e studimit për të cilët ka nevojë tregu i punës.


“Ju keni provimin e parë të maturës dhe unë nuk mund të rrija pa përcjellë një mesazh urimi. Kthimi në normalitet pas pandemisë na ndihmoi të jemi më të fokusuar te matura shtetërore. E di që keni punuar shumë për të plotësuar njohuritë e marra gjatë mësimit online. Këtë vit ka disa risi që dua t’i ndaj edhe njëherë me ju. Ju që do të studioni në Shqipëri duhet të jeni më shumë optimistë sepse cilësia e arsimit të lartë po rritet çdo ditë e më shumë. E ndërkohë pak ditë më parë ne kemi përcaktuar programet e studimit prioritet kombëtar të cilat do të ofrojnë përjashtim nga tarifa dhe mbështetje financiare me bursa studimi. Kur të bëni zgjedhjen konsideroni edhe programet për të cilat ka nevojë tregu i punës dhe zhvillimi i vendit. Hapi i parë janë provimet e maturës. Punoni të qetë dhe me besim në vetvete. Ne kemi punuar fort për të marrë të gjitha masat. Mos harroni, respektoni rregulloren gjatë provimit”, tha Evis Kushi.

Kaltra Tafani 

© Portali Shkollor- Të gjitha të drejtat e rezervuara. Ndalohet kopjimi pa lejen tonë. 

361 Lexime
2 javë më parë